Welimada Bomburu Ella Falls – බෝඹුරු ඇල්ල

බොඹුරු ඇල්ල

බොඹුරු ඇල්ල යනු ලංකාවේ පළලතම දිය ඇල්ල ලෙස සැලකෙන දිය ඇල්ලයි. බෝඹුරු ඇල්ල, පේරවැල්ල ඇල්ල යනුවෙන්ද හදුන්වයි. එය නුවරඑළිය සහ බදුල්ල දිස්ත්‍රික්ක මායිම් වලට සමීපව, වැලිමඩ නගරයේ සිට කිලෝ මීටර 15 ක් පමණ දුරින් ඌව-පරණගම ප්‍රාදේශීය ලේකම් වසමේ පෙරවැල්ල ගම්මානයේ සීතා එළිය- කඳපොල රක්ශිතයේ පිහිටා තිබේ.උසින් මීටර් 50ක් පමණ වන දිය ඇල්ල පලලින් මීටර් 20ක් පමණ වේ.

සීතා එළිය -කඳපොල රක්ශිතයේ කුඩා ඇල්ලක් 

                                                                                                          

  

උමා ඔයේ සුන්දර දසුන්

මහවැලි ගඟේ ප්‍රධාන අතු ගංගාවක් වන දූල්ගල ගඟ මීටර් 1842 ක් පමණ උස කොටකිතුල් කන්දේ බෑවුමක පිහිටි ගල් පවුවකින් කොටස් හතරක් පමණ වෙන්ව ඇද හැලීමෙන් මෙම සුන්දර ඇල්ල නිර්මාණය කරයි.මෙම අතු ගංගාව දිය ඇල්ලේ පහත ප්‍රදේශයේදී උමා ඔය ලෙස හදුන්වයි.

කෙසේ නමුත් ලංකාවේ පලලතම දිය ඇල්ල සොයා ගෙන යාමේ අපේ චාරිකාව ආරම්භ වූයේ බදුල්ලෙනි. බදුල්ලෙන් උදේ 7ට පමණ වැලිමඩ බස් රථයකට ගොඩවූ අප උදේ 8.15 පමණ වන විට වැලිමඩ නගරයට සේන්දු උනෙමු.කොළඹ සිට පැමිණෙන්නෙකුට බණ්ඩාරවෙල හරහා වැලිමඩටත්,මහනුවර-නුවරඑළිය හරහා වැලිමඩටත් පැමිණිය  හැක.වැලිමඩ සිට උදේ 8.30ට පමණ උඩුහාවර හරහා බොඹුරු ඇල්ල බස් රථයට ගොඩ වුනෙමු.ඔබ පෞද්ගලික වාහනයකින් පැමිණෙනවානම් වැලිමඩ සිට උව පරණගම මාර්ගයේ පමිණ අබගස්දෝව හන්දිය පසු කර හිඹිලියගහමඩිත්ත මූදනාව හන්දිය පසු කරමින් කිලෝමීටර් 11ක් පමණ ගිය විට බෝඹුරු ඇල්ලට යන කුඩා අඩි පාර හමු වේ.මෙම අඩි පාර අසල විජේපාල මහතාගේ කඩය ඇති අතර එය බෝඹුරු ඇල්ලට යන ඔබට හමු වන අවසාන කඩය වේ.

විජේපාල මහතාගේ කඩය අසලින් බැසගත් අප ඔහුගෙන් දිය ඇල්ල හා ගම පිලිබඳ තොරතුරු දැන ගත්තෙමු.

බොඹුරු ඇල්ලට යන අඩි පාර 

නාම පුවරුව 

හදුනා නොගත් 

පාසි බැදී ඇති ගල් 

බිම්මල් 

බිම්මල් 

බිම්මල් 

පාසි බැදී ඇති ගල්

පින්නෙන් නෑවී ඇති ගස් ගල් 

දිය ඇලී දෙකකට මැදි වී 

මුදුන 

රක්ශිතය මැදින් ඇති පාර 

සකස් කල පාර 

අතරමග හමුවන කුඩා දිය ඇලි 

අතරමග හමුවන කුඩා දිය ඇලි 

නුග 

මල් වර්ග 

විජේපාල මහතා
මෙම දිය ඇල්ලට බෝඹුරු ඇල්ල ලෙස හැදින්වීම පිටුපස ඇත්තේද අපූරු කතාවකි.එනම් වරක් දෙවැනි රාජසිංහ රජුගේ ඇතා කුලප්පු වී බැඳ තිබූ දම්වැල් කඩාගෙන වන වැදී ඇත. ඇතා ඇල්ලීමට ඇත් ගොව්වන් කිසිවෙකුත් සමත් නොවීය. ඇතා අල්ලා දෙන කෙනකුට ගම්වරක් තෑගි දෙන බව රජු අණබෙරයක් මඟින් ප්‍රසිද්ධ කළේ ය. මෙම ප්‍රදේශයේ විසූ වනසිංහ මුත්තා ඇතා අල්ලා බෝ ගසේ මුලක බැන්දේ ය. ඇතා බැන්දේ බෝමුලේ නිසා ගම ද ‘බෝමුලේ’ නමින් ව්‍යවහාරයට පත් විය. බෝමුලේ පසුව ‘බෝඹුරේ’ විය. ගම දියුණුවී වැලිමඩ සිට මාර්ගය තැනුණාට පසු ගම රටේ ම ප්‍රසිද්ධ විය යුතු යයි සිතා ඊට දිය ඇල්ලේ නම ද ඇඳමින් ‘බෝඹුරු ඇල්ල’ නම තැබූ බව විජේපාල මහතා පැවසීය.
පසුව මද වැස්සද නොතකා අපේ ගමන පටන් ගත්තෙමු.කලක් අප්‍රසිද්ධව පැවතියත් සංචාරකයන්ගේ පැමිණීමත් සමග දිය ඇල්ලට යන මාර්ගයද යම් දුරකට සකස් කර තිබීම පැසසිය යුතු කරුණකි.

නාරංගල Narangala

නාරංගල 

නාරංගල යනු ඌව පලාතේ 2වනි උසම කන්ද වන අතර ලංකාවේ 38 වන උසම කන්ද වේ. 1,376 m ක් පමණ උස වන මෙම කන්ද සම්පූර්ණයෙන්ම පතන වනාන්තරයක් වේ..නාරංගල වෙත කන්දෙගෙදර-ගලඋඩ මාර්ගයෙන් සහ නාරංගල ප්‍රදේශයෙන්ද ළඟා විය හැක.

අපේ කණ්ඩායම නාරංගල චාරිකාව ආරම්භ කළේ බදුල්ල නගරයෙනි. බදුල්ලෙන් උදේ 8ට පමණ කන්දෙගෙදර බස් රථයට ගොඩ වූ අප විනාඩි 45ක පමණ ගමනකින් පසු කන්දෙගෙදර නගරයට පැමිණියෙමු..කන්දෙගෙදර නගරයෙන් කෑම බීම මිලදීගත් අප කිලෝමීටර් 2ක් පමණ ඈතින් ඇති තංගමලේ දේවාලය අසලට පැමිණියෙමු..කන්දෙගෙදර නගරයේ සිට දේවාලය තෙක් වාහනයකින් පැමිණිය හැක..නමුත් එතැන් සිට ඔබ ගමන් කල යුත්තේ පයිනි..එනම් නාරංගල තරණය ආරම්භ වන්නේ මේ දේවාලය අසලිනි.

දේවාලය අසල සිට උදෑසන ආහාරයෙන් සප්පායම් වූ අප තේ වතු මැදින් ගමන් කොට කුඩා වන රොදකට ඇතුල් වුනෙමු..එය මදක් දුශ්කර මාර්ගයක් වන අතර අධික බෑවුම සහ කූඩැල්ලන් දුශ්කරතාවය තවත් වැඩි කරයි..වනාන්තරය පසුකළ අප ඊළඟට ළඟා වූයේ පතන බිමකටය එහි වූ අඩි පාර දිගේ ගමන් කළ අප කදු fake peak හෙවත්  වියාජ්‍ය  මුදුන ලෙස හදුන්වන ගල් කුලු වලින් සමන්විත බිමකට පැමිණියෙමු..කන්ද පාමුල සිට බලන විට කදු මුදුන ලෙස පෙනෙන්නේ මේ කොටසයි..එබැවින් එය fake peak ලෙස හදුන්වයි.මෙතැන් සිට කදු මුදුනට  පැහැදිලි අඩි පාරක් ඇත..මෙතැනට කදු මුදුන අලංකාර ලෙස දිස් වේ. fake peak මත මදක් විවෙක ගත් අප අඩි පාර ඔස්සේ කදු මුදුනට  ළගා වුනෙමු. නාරංගල මුදුනට ළඟා වීමට දේවාලය අසල සිට පැය 2ක් 3ක් පමන ගත වේ.නාරංගල මුදුනට දකුණු දිශාවෙන් නමුණුකුල ද නිරිත දිශාවෙන් පූනාගල කදු වැටියද බස්නාහිරට වන්නට හෝර්ටන් තැන්න ප්‍රදේශයද උතුරෙන් ලොග්ගල් ඔය ප්‍රදේශයද දැක ගත හැක.නාරංගල කන්ද යනු සංචාරයට ඉතා කදිම ස්ථානයකි.නමුත් මෙහි පැමිණෙන සංචරකයන් විසින් දමා යන ප්ලාස්ටික්,පොලිතින් හා වීදුරු වලින් මේ භූමිය අපවිත්‍ර වෙමින් පවතී.

කන්දෙගෙදර නගරය 

තංගමලේ කෝවිල 

සානියා වතුයාය 

fake peak

Naunukula

b

f

wow!

f

beauty

mmmm

Uva Wellassa University

kandegedara -galauda road

Mahiyangana area

foot path on the mountain

b

ohh

ii

byee

f

wild onion

සුන්දර නමුණුකුල Namunukula

නමුණුකුල යනු බදුල්ල දිස්ත්‍රික්කයෙ බදුල්ල නගරයට ආසන්නව පිහිටා ඇති සුන්දර කදු පන්තියකි. මෙය කුලු නමයකින් සෑදී ඇති නිසා නමුණුකුල ලෙස භාවිත වුවද පැහැදිලිව දක්නට ඇත්තේ කදු 7කි.තවද නමුණුකුල කදුපෙලේ උසම කන්ද පහල සිට බලන විට නැම්මක් ආකාරයෙන් පෙනෙන නිසා නැමුනූ කුළ  ලෙස ද පසුකාලීනව එය නමුණුකුල ලෙසද ව්යවහාර වන්න ඇතැයි  සිතිය හැක. නමුණුකුල උසින් මීටර්  2035.35ක් වන අතර එය ශ්‍රී ලංකාවෙ 11වෙනි උසම කන්දයි.

මේ සංචාරය සදහා Glen Alpine වතු යායේ නිලධාරීන් ගේ නොමද සහයෝගය අපට ලැබුනු අතර එහිදී විශේෂයෙන් දියනගල කොටස භාර ලලිතරත්න මහතාගේ සහයෝගය මතක් කල යුතුය.
උදෑසන 8ට පමණ Glen Alpine  තේ කර්මාන්ත ශාලාව අසලින් ගමන් ආරම්භ කල අප ඔවුන් සපයා දුන් ට්‍රැක්ටර් රථයෙන් දියනගල කරා ගමන්  ඇරඹුවෙමු.දියනගල කොටස ඉතා අලංකාර ප්‍රදේශයක් වන අතර වැසි සමය බැවින් ඩිය ඇලි සහ ජල පහරවල්ද සක්‍රීය  වී තිබිණි. ඒ අතරින්ද දියනගල  ආසන්නයෙ පිහිටා ඇති නිල්මිණී ඇල්ල ප්‍රමුඛස්ථානයක්  ගනී. එය උසින් අඩි 80ක් 100ක් පමණ වන සුන්දර ඇල්ලකි.

දියනගල කොටස

 

දියනගල කඩමන්ඩිය

 

 

නිල්මිණී ඇල්ල

 

 

 

 

 

 

 

 

 

 

 

 

 

 

  එය කරා ලඟා වීමට නොහැකි බැවින් පාරේ සිට එය නැරඹූ අප ලලිතරත්න මහතාගේ නිල නිවස වෙත ගමන් කලෙමු. කලින් දැනුම් දුන් පරිදි මග පෙන්වන්නෙකු ඔහු විසින් සපයා දී තිබුණි.මග පෙන්වන්නා සමග ඔහුගෙ දුවද අප සමඟ නමුණුකුල තරණයට එක් විය.තේ වතු පසු කරමින් උදේ 10ට පමණ අප නමුණුකුල රක්ශිතයේ මායිමට පැමිණියෙමු.

නමුණුකුල මායිමේ ඇති තේ වතු 

 

නමුණුකුල රක්ශිතයට ඇතුලු වන ස්ථානය 

  

















මදක් නතර වී වෙහෙස නිවාගත්  අප ඉන් පසු දුශ්කර නමුත් සුන්දර මාර්ගයක් ඔස්සේ නමුණුකුල මුදුනට ළඟා වුණෙමු. අප එහි ලඟා වන විට සියුම් අව් රැල්ලක් වැටී තිබුනු අතර එය මහත් අස්වැසිල්ලක් විය.නමුණුකුල මුදුනේ කදවුරු බිම් 2ක් 3ක් පමණ ඇති අතර කඳු මුදුනේ කුඩා ලිදක්ද ඇත..දැඩි නියං සමයෙදී එම ලිද හිස් කල විට වැසි ලැබෙන බවට ගැමියන්ගේ විශ්වාසයක් පවතී..කෙසේ නමුත් මෙහි ජලය බීමට සුදුසු තත්වයේ නම් නැත.

නමුණුකුල හැඩකරන සමනලුන් 

seliginella

marcantia

mushrooms

ලයිකන පිරුණු ශාක 

තිරිවනා 

නමුණුකුල සරසන මල් 

නමුණුකුල කදු  මුදුන 

බුදු මැදුර 

දේවාලය 

තවද  කදු මුදුනේ උතුරු දෙසට වන්නට කුඩා කෝවිලක් සහ බුදු මැදුරක් දක්නට ඇත.නමුණුකුලට ලගා වීමට මාර්ග කිහිපයක්ම ඇති නමුත් වැඩි පිරිසක් භාවිතා කරන්නෙ ස්ප්‍රීංවැලි මාර්ගයයි.අපද ස්ප්‍රීංවැලි මාර්ගයේ මද දුරක් ගමන් කලෙමු..එම මාර්ගය දෙපස මහ රත්මල් ශාක විශාල වශයෙන් තිබුණු අතර අතරින් පතර මල්ද දක්නට තිබුණි..ඉන් පසුව අප ගෙනා පාන් සහ තේ වලින් සප්පායම් වුනෙමු. නැවතත් වැස්සක් ඇද හැලෙන්නට පටන් ගත් නිසා අප මදක්  විවේක ගෙන චායාරූප  කිහිපයකුත් ගෙන නැවතත් දියනගල කරා පිටත් වුනෙමු.

 

නමුණුකුළ උසම මුදුන