 |
| දිය ඇල්ල නරඹන ස්ථානය |
සුන්දරත්වයෙන් පරිපූර්ණ රාවණා ඇල්ල හෙවත් බඹරගම ඇල්ල,ඇල්ල - වැල්ලවාය මාර්ගයේ ඇල්ල නගරයෙ සිට කි.මී 5ක් ගමන් කරනවිට හමුවන සොබාදහමේ විශිෂ්ඨ නිර්මාණයකි.කිරිඳි ඔය විශාල ගල් තලාවකින් කොටස් කිහිපයකට ඇද හැලීමෙන් රාවණා ඇල්ල නිර්මාණය වී ඇත.එය පාර මට්ටමේ සිට අඩි 1078ක් උසය.එමෙන්ම රාවණා ඇල්ලට ඉහලින් කුඩා රාවණා ඇල්ල නමින්ද ඇල්ලක් ඇත.දිය ඇල්ලේ සුන්දරත්වය හා සබැදි පුරාවෘත්ත රාශියකුත් ඇත. එයින් රාවණා රජු සම්භන්ධ කතා පුවත් රැසකි. වාල්මිකී විසින් රචිත රාමායණයේ කියැවෙන රාම - රාවණා කතා පුවතත් සමග මෙම අලංකාර දිය ඇල්ලත් සම්බන්ධතාවයක් පවතී. රාවණා රජතුමා විසින් සීතා කුමරිය රැගෙන විත් රදවා තැබුවායි සැළකෙන්නේ පෙර කී රාවණා ඇල්ල සමීපයේය. ඒ පිළිබද ඕනෑ තරම් ජනප්රනවාද අප අසා ඇත. සීතා කුමරිය රැගෙන විත් ආරක්ෂා සහිතව රදවා තැබීමට සුදුසුම ප්‍රදේශය ලෙස රාවණා රජු මෙම රාවණා ඇල්ල අවට තෝරා ගත් බව පෙනෙයි. එයට සාධකයක් ලෙස රාවණා ඇල්ල පුරාණ රජමහා විහාරය ( මෙම විහාරය ක්රි .පූ.2 සියවසේ දී වළගම්බා රජු විසින් කරවන ලද්දකි ) ආසන්නයේ පිහිටා ඇති රාවණා ගුහාව පෙන්වා දිය හැක. මෙම රාවණා ගුහාව, රාවණා රජු විසින් සීතා කුමරිය රදවා තැබූ ගුහාව යැයි ජනවහරේ කියැවේ.
මෙම දිය ඇල්ල අසල දැනුවත් කිරීමේ පුවරු සවි කර ඇතත් ඇතැම් සංචාරකයන්ගේ නොසැලකිලිමත්කම නිසා මෙම පරිසරයට හානි වනවා මෙන්ම ඔවුන්ට ජීවිතයෙන් පවා වන්දි ගෙවීමට සිදුව ඇත.
 |
| රාවණා ඇල්ල රක්ෂිතය |
 |
| ඇල්ල වැල්ලවාය මාර්ගය |
 |
| පාලම |
 |
| මව් සෙනෙහස |
දැනුවත් කිරීමේ පුවරු
